ئەمڕۆ سێشەممە لە شاری هەولێر دوو كەس دەستیان بەر ئامێری گۆشت كەوت و بەهۆی نەشتەرگەرییەوە لە نەخۆشخانەكان ژیانیان رزگار كرا.
نەخۆشخانەی فریاكەوتنی رۆژئاوای هەولێر بڵاوی كردەوە: لە ماوەیەکی کەمدا دوو حاڵەتی هاوشێوە گەیشتنە نەخۆشخانەکەمان، ئەویش ڕاکێشانی دەستی نەخۆشەکان بە هۆی ئامێری گوشت هاڕینەوە بوو.
بڵاویشی كردەوە: خۆشبەختانە بە هەوڵی پزیشکان و کارمەندانی فریاکەوتن و بەشی نەشتەرگەری نەخۆشخانەكەمان، توانرا ژیانی هەردوو كەسەكە ڕزگار بکرێت و هەروەها دەستیشیان لە بڕینەوە ڕزگار بکرێت.
نەخۆشخانەی فریاكەوتنی رۆژئاوای هەولێر دەستخۆشی لە بەشی چاککردنەوە و ئەندازەی نەخۆشخانەكەیان كرد کە هەوڵی زۆریان دا بۆ ڕزگارکردن و بڕینەوە ئامێری گۆشت هاڕینەکان.
داواشی لە هاووڵاتیان كرد کە بە وریاییەوە مامەڵە لەگەڵ ئەم جۆرە ئامێرانە بکەن تاوەکو تووشی حاڵەتی هاوشێوە نەبنەوە.
کۆمێنت (0)
تا ئێستا هیچ کۆمێنتێک نەکراوە.