شاندێکی گەشتوگوزاری هەرێمی کوردستان بە یاوەریی ژمارەیەک کۆمپانیای گەشتیاریی کوردستان، بەشداری دەکەن لە پێشانگای بازاڕی گەشتیاریی عەرەبی (ATM) کە ئه‌مڕۆ دووشه‌ممه 6ی 5 تاوه‌كو 9ی ئایار لە شاری دوبەی، وڵاتی ئیماراتی یەکگرتوویی عەرەبی بەڕێوەده‌چێت.
پێشانگاکە بە بەشداریی ژمارەیەکی زۆر لە کۆمپانیا و دامەزراوەی گەشتیاریی وڵاتان بەڕێوەدەچێت و بە یەکێک لە پێشانگە هەرە گرنگەکانی جیهان لە بواری گەشتیاری ئەژمار دەکرێت.
هاوکات بۆ یەکەمین جاریشە زیاتر لە 70 کۆمپانیای گەشتیاری و فرۆکەوانیی هەرێمی کوردستان هاوشانی شاندی گەشتوگوزار لە ستاندی تایبەت بە هەرێمی کوردستان بەشدار دەبن.
ئامانج لە بەشداریکردن بریتییە لە ناساندن و بەبازاڕکردن بۆ شوێنە گەشتیاری و شوێنەوارییەکانی هەرێمی کوردستان و ئاشناکردنی بەشداربووانی پێشانگا بە سروشت و تەنهایی و ڕۆڵی هەرێمی کوردستان لە بنیادنانی شارستانیەت و دروستکردنی پردی پەیوەندی لەنێوان کۆمپانیا گەشتیارییەکانی کوردستان و وڵاتانی بەشداربوو بە مەبەستی راکێشانی سەرنجی گەشتیاران.
شاندی گەشتوگوزاری کوردستان پێک دێت لە بەڕێوەبەری گشتیی گەشتوگوزاری گەرمیان، بەڕێوەبەری گشتیی پرۆژەکان و بەڕێوەبەری داهات لە وەزارەتی شارەوانی و گەشتوگوزار، بەڕێوەبەری کاروباری کارگێڕی لە بەڕێوەبەرایەتیی گشتیی گەشتوگوزاری هەولێر، سەرجەم بەڕێوەبەرانی ڕاگەیاندن و بەبازاڕکردن لە بەڕێوەبەرایەتییە گشتییەکان و فەرمانبەری بەڕێوەبەری بەبازارکردن لە دەستەی گەشتوگوزار.
کۆمێنت (0)
تا ئێستا هیچ کۆمێنتێک نەکراوە.