Hîn jî koptera Reîsî nehatiye dîtin.
Êvara îro yekşem dema vegera xwe ji ser sînorê Azerbayicanê, Serokkomarê Îranê Îbrahîm Reîsî û wezîrê derve yê Îranê rastî qezayeke bigoman hatine.
Tê gotin ku, koptera Serokkomarê Îranê ketiye erdê, hin çavkaniyên Îranî jî dibêjin hatiye xistin.
Heta niha çarenivîsa Reîsî û wezîrê derve yê Îranê û çend rayedarên din yên Îranê nediyare.
Kopter li navçeyeke nêzî sînorê Azerbayicanê di nava axa Îranê de di navbera Bazirgan û Keleberê de ketiye.
Jiber ku, rewşa keş û hewayê negoncawe û ev dever jî çiyayiye, heta niha kopter nehatiye dîtin û hêzên hawar hatinê jî negehêştine cîhê bûyerê.
Ji aliyeke din ve li gor çapemeniya Azerbayican û Îranê, koptereke din ya Îranê yaku, bi mebesta hawar hatinê çûye deverê wendaye û di nava vê de jî 3 kes hebûne.
herwiha rayedarên Îranî jî li hember rewşa tendirostiya Serokkomar û wezîrê derve bifikarin û nayê zanîn ka gelo birîndarin, saxin anjî mirine.
komênte (0)
heta niha komênt nehatiye nivîsandin